Maqedonia e Veriut do të marrë 6 miliardë euro nëpërmjet një marrëveshjeje të re me Mbretërinë e Bashkuar, siç njoftoi VMRO-DPMNE. Marrëveshja, e cila do të nënshkruhet të enjten, 22 maj, përfaqëson shumën më të madhe të fondeve të ofruara ndonjëherë dhe sinjalizon një partneritet të fortë me një aleat perëndimor kyç.

Marrëveshja përfshin projekte të shumta në fusha të ndryshme, duke përfshirë energjinë, transportin, mjekësinë, kujdesin shëndetësor dhe digjitalizimin.

Në fushën e arsimit, dy projektet e para janë ndërtimi i një fakulteti të ri të mjekësisë në Shtip dhe ndërtimi i një konvikti studentor me të paktën 200 shtretër në mbështetje të fakultetit.

Janë rënë dakord edhe dy lloje projektesh për punë. Njëri është rindërtimi, modernizimi dhe ndërtimi i një linje tjetër në hekurudhën që është pjesë e Korridorit 10, nga Tabanoci në Gjevgjeli.

Në fushën e kujdesit shëndetësor, marëveshja mundëson përfundimin e spitalit në Kërçovë dhe rindërtimin e spitalit klinik në Tetovë.