Në kuadër të edicionit të 53-të të “Mbrëmjeve të Operas së Majit”, kryevepra e artit operistik botëror – “Madame Butterfly” e Giacomo Puccinit, do të interpretohet më 23 maj, duke filluar nga ora 20:00 në skenën e Operas dhe Baletit Kombëtar (të Maqedonisë së Veriut).

Interpretimi do të drejtohet nga Marco Boemi nga Italia, me regji nga Aleksandar Tekeliev nga Bullgaria. Skenografia është nga Zivojin Trajanovic, dhe dizajni i kostumeve nga Lira Grabull. Koncertmaestër është Verica Lambevska, dhe korrepetitorët janë Jasmina Gjorgjeska dhe Gjurgjica Dasic.

Në rolin kryesor (Cho Cho San – Madame Butterfly) do të interpretojë Maria Jelic nga Serbia, në rolin e Pinkertonit, do të interpretojë Gjorgji Cuckovski, në rolin e Sharpless, Luis Cancino nga Spanja, në rolet e tjera do të interpretojnë: Marika Popovic, Dejan Stoev, Neven Siljanovski, Jane Dunimagloski, Sonja Pendovska Madevska, Valentina Dimitrievska, Oleg Cuckovski, Nikola Stojceski, Marko Gapo, Darko Stanojlovski, Borko Bidjovski, Filip Mircevski, Nikola Cedomirovski, Shinasi Ramdan, Marko Dimovski, së bashku me korin dhe orkestrën e Operas dhe Baletit Kombëtar (të Maqedonisë së Veriut).

Opera “Madame Butterfly” është një dramë muzikore rreth dashurisë, tradhtisë dhe shpresës, e treguar përmes muzikës së jashtëzakonshme të Giacomo Puccinit. Në këtë vepër, Puccini kombinon mjeshtërisht elemente të kulturës perëndimore dhe lindore, duke krijuar momente dramatike muzikore që prekin çdo dëgjues. “Nëse nuk më prek, nëse libreti nuk më prek zemrën…atëherë nuk është për mua.” Puccini e dinte saktësisht se çfarë kërkonte në një libret opere, dhe fakti që historia e “fluturës” delikate japoneze e preku thellësisht pasqyrohet në çdo notë të partiturës së operas së tij të famshme.