Qeveria e udhëhequr nga VMRO-DPMNE thekson se lufta kundër korrupsionit dhe krimit mbetet një nga prioritetet kryesore të saj, duke treguar rritjen e të ardhurave dhe numrin e kallëzimeve penale si dëshmi të përpjekjeve të tyre.

Sipas VMRO-DPMNE, të ardhurat e Administratës Doganore kanë shënuar rritje të konsiderueshme në vitin 2024 krahasuar me vitin 2023, duke u rritur me mbi 7.5 miliardë denarë. Vetëm në tremujorin e parë të këtij viti, është regjistruar një rritje e koleksionimit prej gati 30 miliardë denarësh, para të cilat shkojnë drejtpërdrejt në Buxhetin e Shtetit. Nga Dogana, të ardhurat janë më të larta me 15.6%, nga akcizat me 5.7%, dhe nga taksa e automjeteve motorike me 16.2%.

Përveç kësaj, nga dhjetori deri në prill të këtij viti, janë paraqitur 102 kallëzime penale, krahasuar me vetëm 85 kallëzime penale nga udhëheqësia e mëparshme në periudhën 2020-2023. Ekipet doganore kanë realizuar mbi 100 konfiskime vetëm në tremujorin e parë, duke tejkaluar mesataren vjetore prej 52 deri në 110 konfiskimeve të regjistruara në 7 vitet e fundit.

VMRO-DPMNE gjithashtu njofton modernizimin e pikave kufitare, përfshirë futjen e kufijve inteligjentë përmes një granti nga Bashkimi Evropian, si dhe punën për rindërtimin e pikës kufitare të Delçevës, Markova Noga dhe ndërtimin e një pike të re kufitare me Bullgarinë.

Sipas partisë, të ardhurat e rritura nga Dogana do të investohen në ndërtimin e kopshteve, shkollave, spitaleve, rrugëve dhe projekteve të tjera ekonomike.