Policia në Kumanovë ka konfiskuar dy automjete pas raportimeve për gara të paligjshme në autostradën Kumanovë-Shkup. Incidentet u raportuan gjatë datave 16 dhe 17 prill 2025.

Sipas Sektorit për Punë të Brendshme (SPB) Kumanovë, gara të paligjshme me automjete motorike për pasagjerë, që shkaktonin zhurmë të konsiderueshme, po zhvilloheshin në autostradë.

Oficerët policorë nga Stacioni Policor për Siguri në Trafik në SPB Kumanovë morën menjëherë masa. Një automjet motorik për pasagjerë “BMW” me targa të Prilepit, i drejtuar nga M.V. (20) nga fshati Dolneni, afër Prilepit, dhe një automjet motorik për pasagjerë “Volkswagen Polo” me targa të Tetovës, i drejtuar nga B.R. (21) nga Tetova, u konfiskuan për shkak të dyshimit për kryerjen e një kundërvajtjeje.

Policia ka njoftuar se pas dokumentimit të plotë të rastit, kundër tyre do të ngrihen kallëzime përkatëse.