Komuna e Qendrës ka filluar fushatën e tretë për grumbullimin e mbeturinave të mëdha, e cila do të zhvillohet nga 15 deri më 20 prill. Kjo fushatë vjen pas dy fushatave të suksesshme në shkurt dhe mars.

Banorët e komunës do të kenë mundësi të hedhin mbeturinat e tyre falas në kontejnerët e vendosur posaçërisht për këtë qëllim.

Kontejnerët do të vendosen në lokacionet e mëposhtme:

• DEBAR MAALO – PARK, rruga “Naum Naumovski Borche” – afër Partizanit
• DEBAR MAALO, rruga “Albert Einstein” afër KSP – Centar Jadro
• BUNJAKOVEC, rruga “Kiro Krstevski Platnik”, afër kthesës me rrugën “Rajko Zinzifov”
• BUNJAKOVEC, në cepin e rrugëve “Borka Talevski” dhe “Kosturski heroi”
• PROLET, bulevardi “Krushevska Republika”, përballë Vero Jumbo
• VODNO, rruga “Pitu Guli”, afër fushës së basketbollit

Kryetari i Komunës së Qendrës, Goran Gerasimovski, u bëri thirrje qytetarëve të vazhdojnë të hedhin mbeturinat në mënyrë të përgjegjshme dhe të përdorin vendet e caktuara, në mënyrë që Komuna e Qendrës të jetë më e pastër dhe më urbane.

Kjo aksion po realizohet në bashkëpunim me Ministrinë e Mjedisit Jetësor dhe Planifikimit Hapësinor, si pjesë e Planit Aksionar për Ajër të Pastër. Paralelisht, vazhdon edhe fushata e madhe e pastrimit me moton “Qendra pastron, Qendra pret”.