Policia Financiare ka nisur një hetim në Spitalin e Prilepit, duke kryer bastisje në tetë lokacione të ndryshme. Hetimi është rezultat i dyshimeve për abuzim me pozitën zyrtare dhe autoritetin, lidhur me operacionet financiare të spitalit.

Sipas Prokurorisë Themelore Publike të Prilepit, procedura para-hetimore është në vazhdim për shkak të dyshimeve për një vepër penale të Abuzimit me Pozitën Zyrtare dhe Autoritetin.

Urdhërat për bastisje në tetë lokacione janë siguruar dhe po zbatohen nga Drejtoria e Policisë Financiare.

Prokuroria njoftoi se pas bastisjeve, procedura para-hetimore do të vazhdojë me veprime të tjera për të siguruar prova.