Kryetari i Komunës Qendër, Goran Gerasimovski, zhvilloi një takim me banorët e lagjes Prolet në kuadër të karvanit “Shihemi në Lagje”, ku theks kryesor ishte hapja e kopshtit të ri “Prolet”, i cili cilësohet si më i bukuri dhe moderni në Maqedoni. Kopshti i ri, i cili u hap vetëm një muaj më parë, është pritur me entuziazëm nga banorët dhe konsiderohet si një shembull i shkëlqyer i kujdesit bashkëkohor për fëmijët.

Banorët e Proletit shprehën vlerësim të madh për kopshtin e ri, i cili është i pari dhe i vetmi në lagje. Ata e konsiderojnë atë si një shembull të kujdesit modern për fëmijët. Sipas Komunës Qendër, kopshti është ndërtuar sipas standardeve më të larta botërore, duke ofruar një mjedis plotësisht të ri, të sigurt dhe gjithëpërfshirës.

Gerasimovski theksoi rëndësinë e këtyre takimeve me banorët, duke i konsideruar si një mundësi për të dëgjuar drejtpërdrejt mendimet, idetë, sugjerimet dhe sfidat e tyre. Ai tha se karvani është organizuar me qëllim që komuna të mos presë që qytetarët të vijnë tek ajo, por të shkojë vetë tek ata dhe të punojë ekskluzivisht në interes të tyre.

Takimi u zhvillua në një fushë lojërash të lagjes, të pajisur nga kryetari Gerasimovski, ku fëmijët rriten, mësojnë dhe shoqërohen të qetë. Banorët e Qendrës shprehën mirënjohje për zhvillimin e vazhdueshëm të komunës. Komuna njoftoi se në periudhën e fundit janë rikonstruktuar 20 rrugë, janë përmirësuar kushtet në të gjitha kopshtet dhe shkollat fillore komunale, dhe në vjeshtë do të vihet në përdorim salla sportive e rikonstruktuar “Rabotnicki”, një tjetër projekt kapital në interes të qytetarëve.