Shkup – Një operacion policor i gjerë i zhvilluar në Shkup ka rezultuar me arrestimin e gjashtë personave të dyshuar për posedim dhe shpërndarje të lëndëve narkotike. Sipas informacioneve të siguruara nga Sektori për Punë të Brendshme Shkup (SPB Shkup), aksioni u zhvillua në disa lokacione të ndryshme në qytet.

Të arrestuarit janë identifikuar si F.Dzh.(47), P.R.(32), E.I.(39), A.I.(36) dhe I.Dzh.(40), të gjithë nga Shkupi, si dhe A.A.(50) nga Kumanova. Gjatë bastisjeve, policia ka sekuestruar marihuanë dhe një substancë të bardhë të ngurtë, të cilat dyshohet se janë lëndë narkotike.

Policia po heton origjinën dhe destinacionin e drogave të sekuestruara. Pas kompletimit të dokumentacionit të nevojshëm, ndaj të arrestuarve do të ngrihen padi përkatëse, në përputhje me ligjin. Operacione të tilla pritet të vazhdojnë edhe në ditët në vijim, me qëllim parandalimin dhe goditjen e veprave penale në fushën e narkotikëve.