Prokuroria Publike ka njoftuar se ekzaminimi i personave të lënduar në zjarrin në diskotekën “Puls” në Koçan pritet të fillojë në fillim të majit. Sipas njoftimit, personat e lënduar do të informohen me kohë për të drejtat e tyre dhe përfshirjen në procedurë, në varësi të gjendjes së tyre shëndetësore dhe sipas një orari të përcaktuar.

Aktualisht, po mblidhen të gjitha informacionet e kontaktit dhe adresat për personat e lënduar në zjarr dhe familjet e viktimave, si dhe për përfaqësuesit e tyre në procedurë.

Ekipi i prokurorëve që po heton rastin po ndërmerr intensivisht veprime urgjente që nuk mund të shtyhen. Po zhvillohen dëgjime dhe po koordinohen ekzaminimet e ekspertëve, të cilat janë të nevojshme për të siguruar prova për procedurat penale.