Presidenti i LSDM-së, Venko Filipçe, ka pyetur Qeverinë e Maqedonisë së Veriut nëse është e gatshme të diskutojë me Britaninë e Madhe për akomodimin e migrantëve në vendin tonë. Kjo pyetje vjen pas informacioneve në mediat britanike se liderët e Kosovës dhe Maqedonisë së Veriut janë të hapur për diskutime të tilla, pasi Shqipëria refuzoi një marrëveshje të ngjashme me Britaninë e Madhe.

Filipçe theksoi se LSDM e mbështet Marrëveshjen e Partneritetit Strategjik me Britaninë e Madhe dhe se deputetët e partisë do ta mbështesin atë në Kuvend. Ai kujtoi se qeveritë e LSDM-së në të kaluarën kanë nënshkruar marrëveshje të tilla për bashkëpunim strategjik.

“Ne e mbështesim absolutisht. Qeveria jonë në vitet e kaluara ka nënshkruar një marrëveshje për bashkëpunim strategjik me Mbretërinë e Bashkuar dhe unë besoj se ajo është një vend, partneri ynë serioz në vitet e kaluara, dekada, gjithmonë, si në kriza kur kemi qenë, ashtu edhe në përgjithësi në të gjitha proceset për progresin e vendit, Britania e Madhe ka dhënë mbështetje,” tha Filipçe.

Ai shtoi se ky akt duhet të mirëpritet dhe se ata do ta mbështesin marrëveshjen kur ajo të vijë në Kuvend për ratifikim. Megjithatë, ai theksoi nevojën për të sqaruar nëse Qeveria është e gatshme të diskutojë pranimin e migrantëve, duke marrë parasysh situatën e krijuar pas refuzimit të Shqipërisë dhe gatishmërisë së deklaruar nga liderët e Kosovës dhe Maqedonisë së Veriut për të diskutuar çështjen.