Federata e Sindikatave të Maqedonisë (SSM) ka njoftuar se do të protestojë nesër, duke ripërsëritur të njëjtat kërkesa si vitin e kaluar, duke përfshirë një pagë minimale prej të paktën 500 euro, një rritje prej 100 eurosh në të gjitha pagat e tjera dhe respektimin e marrëveshjeve kolektive.

Sipas SSM, arsyet për protestë janë të shumta, duke theksuar se pagat e punëtorëve në Maqedoni janë më të ulëtat në rajon.

Presidenti i SSM, Slobodan Trendafilov, deklaroi se protesta është një mënyrë për të shprehur pakënaqësinë me pagat e ulëta dhe u bëri thirrje të gjithë atyre që e duan të mirën e punëtorit të bashkohen në protestë.

Protesta do të fillojë nesër në orën 11:00 para Shtëpisë së Punëtorëve dhe do të vazhdojë me një marshim nëpër Kuvend, Odën Ekonomike dhe Qeverinë. Trendafilov theksoi se qëllimi i protestës është që punëtorët të luftojnë për më shumë se vetëm një sandviç, por për të siguruar një jetë më të mirë për familjet e tyre.