“Euroimpex” shënoi 35 vjetorin e themelimit të saj me një ceremoni madhështore të mbajtur në nder të punonjësve të saj.

Kompania, e cila është përfaqësuesja e markave të njohura automobilistike Peugeot dhe Opel në rajon, nisi aktivitetin e saj në vitin 1990, duke qenë ndër ndërmarrjet e para private në Maqedoni që merreshin me shitjen e automjeteve.

Drejtori i Përgjithshëm i “Euroimpex”, Kiril Voinovski, theksoi traditën e gjatë familjare në fushën e automobilizmit, që shtrihet në katër breza, duke vënë në pah vlerat familjare që reflektohen në operacionet e përditshme të kompanisë, si ndaj klientëve ashtu edhe ndaj punonjësve. Ai gjithashtu theksoi rëndësinë e ekipit kompakt dhe të përkushtuar të “Euroimpex” në ndërtimin e lidhjeve të forta me klientët dhe bashkëpunëtorët.

“Euroimpex” përveç markave Peugeot dhe Opel, është importues i përgjithshëm edhe i markave TotalEnergies, Milwaukee, Bahco dhe Irimo. Gjithashtu ajo kujdeset për zhvillimin e zonës së gjuetisë Nidze.

Daniel Voinovski, gjithashtu Drejtor i Përgjithshëm i “Euroimpex”, njoftoi se kompania po planifikon ndërtimin e dy qendrave të reja afariste përfaqësuese, një në Shkup dhe një në Beograd. Ai shprehu krenarinë për traditën 35-vjeçare të rritjes dhe zhvillimit të kompanisë dhe synimin për të vazhduar me sukses përpara.

Festa e 35-vjetorit u karakterizua nga një atmosferë e veçantë, ku e kaluara dhe e ardhmja u ndërthurën në mënyrë simbolike. Automjetet historike Peugeot ishin ekspozuar pranë modeleve më të fundit Peugeot dhe Opel, ndërsa të ftuarit u pritën me elemente tradicionale maqedonase. Gjatë mbrëmjes u interpretua muzikë vendase nga artistë të njohur.