Korporata Energjetike e Maqedonisë së Veriut (ESM) ka reaguar ashpër ndaj akuzave të LSDM-së lidhur me situatën në REK Manastir (Bitola), duke i cilësuar si spekulime dhe gjysmë të vërteta të fabrikuara.

Sipas ESM-së, menaxhmenti aktual gjeti një situatë kaotike në REK Manastir, me deponi qymyri të zbrazëta, miniera të shkatërruara dhe makineri të neglizhuara.

ESM thekson se punonjësit punojnë 24 orë në ditë për të përballuar sfidat dhe pajisjet teknike të mirëmbajtura në mënyrë të pamjaftueshme.

Korporata energjetike shton se pavarësisht problemeve të trashëguara, TE Manastir ka prodhuar 11.6% më shumë energji elektrike në tremujorin e parë të këtij viti krahasuar me të njëjtën periudhë të vitit të kaluar, kur kombinati menaxhohej nga stafi i LSDM-së.

Për të njëjtën periudhë krahasuese, kostot e nxjerrjes së qymyrit u reduktuan me 60%, ndërsa çmimi i prodhimit të REK Manastir u ul me 33 euro për megavat orë të prodhuar.

ESM kujton se sipas menaxhimit “të suksesshëm” të LSDM-së, në tremujorin e parë të vitit të kaluar, çmimi i prodhimit nga REK Manastir ishte 126.66 euro, ndërsa për të njëjtën periudhë ai është 96 euro.

Në fund, ESM thekson se në sektorin energjetik nuk ka zgjidhje të menjëhershme, dhe se ajo çfarë LSDM shkatërroi në shtatë vite është e pamundur të riparohet në një periudhë të shkurtër kohore.