Dy tërmete goditën rajonin e Ohrit dhe Strugës këtë mëngjes herët, duke shkaktuar shqetësim tek banorët, por pa shkaktuar dëme materiale ose lëndime, sipas informacioneve fillestare.

Instituti Sizmologjik në Shkup raportoi se tërmeti i parë u regjistrua në orën 5:07 të mëngjesit, me një magnitudë prej 3.4 ballësh të shkallës Rihter. Tërmeti i dytë pasoi vetëm nëntë minuta më vonë, në orën 5:16, me një magnitudë më të ulët prej 2.3 ballësh.

Epiqendrat e të dy tërmeteve u lokalizuan në afërsisht 100 kilometra në jugperëndim të Shkupit, në zonën midis Peshtanit, Ohrit dhe Strugës.

Tërmeti i orës 5:07 u ndje veçanërisht nga popullata në Ohër, Strugë dhe rrethinat e tyre, me një intensitet prej IV shkallësh sipas Shkallës Makrosizmike Evropiane.

Deri më tani, nuk ka asnjë raport për dëme materiale apo lëndime si pasojë e tërmeteve.