Dy tërmete me epiqendër në zonën Pështan-Ohër-Strugë u regjistruan herët në mëngjes nga Observatori Sizmologjik në Fakultetin e Shkencave Natyrore dhe Matematikës në Shkup.

Sipas të dhënave nga Rrjeti Telemetrik Sizmologjik i Republikës së Maqedonisë së Veriut, tërmeti i parë ndodhi në orën 5:07 të mëngjesit, me magnitudë 3.4 ballë të shkallës Rihter, ndërsa i dyti nëntë minuta më vonë, në orën 5:16, me magnitudë 2.3 ballë.

Epiqendrat e të dy tërmeteve ndodhen rreth 100 kilometra në jugperëndim të Shkupit, në rajonin midis Pështanit, Ohrit dhe Strugës.

Tërmeti në orën 5:07 u ndje nga popullata në Ohër, Strugë dhe zonat përreth, me një intensitet prej IV gradë sipas Shkallës Makrosizmike Evropiane. Deri tani, nuk ka raporte për dëme materiale ose lëndime.