Drejtoria e të Ardhurave Publike (DAP) u bën thirrje tatimpaguesve që kryejnë transaksione me para në dorë të respektojnë ligjin dhe të jenë korrektë me detyrimet tatimore. Ata kujtohen se janë të detyruar të instalojnë dhe përdorin një sistem fiskal në çdo vend ku realizohet qarkullimi i mallrave dhe shërbimeve, të lëshojnë kupon fiskal për çdo transaksion dhe të mirëmbajnë rregullisht pajisjet fiskale në një qendër të autorizuar shërbimi.

Sipas DAP, të dhënat e adresës të regjistruara në sistemin fiskal duhet të jenë të sakta dhe të përputhen me vendndodhjen ku përdoret arka fiskale. Tatimpaguesit që përdorin sistemin fiskal në një objekt të caktuar nuk duhet ta transferojnë, përdorin ose disponojnë pajisjen fiskale në një objekt tjetër pa njoftuar paraprakisht Drejtorinë e të Ardhurave Publike nëpërmjet një qendre të autorizuar shërbimi.

DAP gjithashtu rikujton se çdo ndryshim ose çregjistrim i sistemit fiskal duhet të miratohet nga Drejtoria e të Ardhurave Publike. Tatimpaguesit që ndërpresin përdorimin e sistemit fiskal, qoftë për shkak të mbylljes së aktivitetit ose blerjes së pajisjeve të reja (pajisje e re fiskale), janë të detyruar ta çregjistrojnë të vjetrën nëpërmjet një qendre të autorizuar shërbimi në Drejtorinë e të Ardhurave Publike.