Shkup, Maqedoni e Veriut – Makstil, në bashkëpunim me ArcelorMittal-BMS nga Spanja, ka eksportuar kovarinë, një mbetje industriale e krijuar gjatë prodhimit të çelikut. Ky hap shihet si një përparim i madh drejt një të ardhmeje ekologjike më të pastër.

Drejtori i Administratës Mjedisore, Igor Nikoski, e bëri të ditur këtë arritje, duke theksuar se ky proces bazohet në ekonominë rrethore.

Kjo do të thotë që mbetjet nuk shkatërrohen, por përdoren si një burim i ri.

Me menaxhim dhe përpunim të duhur, kovarina shndërrohet në një lëndë të parë dytësore me vlerë, duke zvogëluar ndikimin negativ ekologjik dhe duke kontribuar në zhvillimin e qëndrueshëm.

Administrata Mjedisore thekson se ky projekt elimion plotësisht ndikimin në mjedis.

Ministria e Mjedisit e mirëpret këtë projekt dhe mbetet e përkushtuar në krijimin e kushteve për menaxhim efikas të mbetjeve industriale në Maqedoninë e Veriut. Ky sukses është i rëndësishëm jo vetëm për Makstil, por edhe për të gjithë vendin, si pjesë e angazhimit për një të ardhme ekologjikisht të qëndrueshme.