Halkbank AD Shkup po udhëheq transformimin ekologjik përmes platformës së saj të gjelbër, HalkEco. Kjo nismë, e cila përkon me Ditën e Tokës, thekson rëndësinë e kujdesit për planetin si një përgjegjësi e përbashkët.

HalkEco, më shumë se një aplikacion celular, është një simbol i jetesës së qëndrueshme dhe të përgjegjshme. Me një mesazh të thjeshtë – më shumë lëvizje, më pak CO₂ – platforma inkurajon përdoruesit të ecin, vrapojnë ose çiklojnë.

Çdo kilometër i udhëtuar transformohet në veprime konkrete ekologjike. Halkbank mbjell pemë në emër të çdo përdoruesi aktiv, duke i kthyer vendimet personale në të mira të përbashkëta.

Përveç nxitjes së aktivitetit fizik, HalkEco lidh njerëzit me një mision – reduktimin e gjurmës ekologjike dhe kontributin në mjedise më të gjelbërta urbane dhe rurale. Çdo fidan përfaqëson një simbol shprese dhe çdo përdorues – një ambasador i ndryshimit.

Gjatë pesë viteve të fundit, mbi 60,000 pemë janë mbjellë përmes HalkEco, hapësira publike janë rregulluar, ura janë rinovuar dhe janë organizuar ngjarje ekologjike si gara e biçikletave Halk Velo Green.

Banka gjithashtu investon në edukim përmes programeve dhe punëtorive të ndryshme, duke ndërgjegjësuar të rinjtë dhe të moshuarit për rëndësinë e zhvillimit të qëndrueshëm. Si pjesë e iniciativës globale “Priceless Planet” të Mastercard, ajo forcon më tej kontributin e saj në këtë fushë.

Në vitin 2024, Halkbank ka nisur gjithashtu aksionin e saj më ambicioz mjedisor deri më sot – “Një Milion Fidanë për Pesë Vjet,”, një projekt që shënon pesëvjetorin e HalkEco dhe intensifikon luftën kundër ndryshimeve klimatike, rritjes së emetimeve të CO₂ dhe kërcënimit ndaj biodiversitetit.

Ky aksion është një angazhim real për të ardhmen. Përmes platformës HalkEco, Halkbank jo vetëm që vendos standarde për përgjegjësinë mjedisore të korporatave, por krijon një lëvizje që bashkon njerëzit rreth një qëllimi të përbashkët – një planet të shëndetshëm.

Dita e Tokës është një mundësi për veprim dhe me HalkEco, ky veprim fiton kuptim, rezultate dhe vlerë afatgjate. Së bashku mund të bëjmë më shumë – të ruajmë, mbjellim dhe të lëmë një trashëgimi të gjelbër për brezat e ardhshëm.