Shkup – Me rastin e 29 prillit – Ditës së Diplomacisë Maqedonase, Ministri i Punëve të Jashtme dhe Tregtisë së Jashtme, Timço Mutsunski, uroi përmes rrjeteve sociale.

Në postimin e tij, Ministri Mutsunski kujtoi se diplomacia maqedonase i ka fillesat në Byronë për Marrëdhënie me Jashtë, e themeluar në vitin 1969, si forma e parë institucionale për zhvillimin e politikës së jashtme.

“Kjo ditë u dedikohet diplomatëve dhe të gjithë punonjësve të Ministrisë së Punëve të Jashtme, kushtimi, profesionalizmi dhe aftësitë e tyre diplomatike janë çelësi për ndërtimin e reputacionit ndërkombëtar të vendit tonë, promovimin e marrëdhënieve dypalëshe dhe shumëpalëshe dhe mbajtjen e lidhjeve me diasporën maqedonase,” shkroi Ministri Mutsunski.

Ai shtoi se Dita e Diplomacisë Maqedonase na kujton rëndësinë e misionit diplomatik si urë midis popujve, një ruajtës i paqes dhe një promotor i bashkëpunimit, duke uruar të gjithë diplomatët dhe punonjësit aktualë dhe ish-punonjës të Ministrisë për kontributin e tyre.