Komisioni Rregullator për Energji, Shërbime Ujësjellësi dhe Shërbime të Mbeturinave Komunale ka njoftuar se nga mesnata e sotme do të hyjnë në fuqi çmimet e reja të karburanteve. Çmimi i benzinës EUROSUPER BS-95 do të rritet për dy denarë, ndërsa nafta për gjysmë denari.

Nga ora 00:01 e datës 20.5.2025, çmimet maksimale të produkteve të naftës do të jenë si më poshtë:

• Benzina motorike EUROSUPER BS – 95: 75.50 denarë/litër
• Benzina motorike EUROSUPER BS – 98: 77.50 denarë/litër
• Nafta EURODIESEL BS (D-E V): 67.00 denarë/litër
• Vaj për ngrohje Extra i lehtë 1 (EL-1): 69.00 denarë/litër
• Vaj djegës M-1 NS: 36.808 denarë/kilogram

Çmimi me pakicë i benzinës EUROSUPER BS-95 rritet me 2.00 denarë/litër.

Çmimi me pakicë i benzinës EUROSUPER BS-98 mbetet i pandryshuar.

Çmimi me pakicë i EURODIESEL (D-E V) rritet me 0.50 denarë/litër.

Çmimi me pakicë i vajit shtëpiak Extra të lehtë (EL-1) rritet me 4.00 denarë/litër.

Çmimi me pakicë i vajit djegës M-1 NS rritet me 0.279 denarë/kg dhe tani do të jetë 36.808 denarë/kg.