Një 51-vjeçar nga fshati Mogorçe, Dibër, është arrestuar nga policia pasi është kapur duke drejtuar automjetin nën ndikimin e alkoolit. Incidenti ka ndodhur dje, në rrugën “Elena Gjika” në Dibër.

Sipas njoftimit të policisë, S.M. është ndaluar nga oficerët e policisë së Dibrës, gjatë një kontrolli rutinë të trafikut. Gjatë kontrollit, ai po drejtonte një automjet të tipit “Ford” me targa të Dibrës.

Pas testimit me alkoolmatës, është konstatuar se ai kishte 2.41 promil alkool në gjak. Për shkak të kësaj, ai është përjashtuar nga trafiku dhe dokumentet e tij të shoferit janë konfiskuar.

Policia ka njoftuar se kundër tij është paraqitur urdhër pagese dhe pas dokumentimit të plotë të rastit, do të ngrihet aktakuzë penale për shkelje të nenit 297-A të Kodit Penal, që i referohet “drejtimit të pakujdesshëm”.