Një 32-vjeçar nga Kumanova, me iniciale L.Sh., u arrestua dje nga policia nën dyshimin për kryerjen e veprës penale të “vjedhjes së rëndë”. Arrestimi ndodhi pas një incidenti të raportuar në datën 5 shtator 2025, rreth orës 2:40 të mëngjesit.

Sipas policisë, L.Sh., së bashku me dy të mitur, dyshohet se kanë vjedhur para dhe sende nga një automjet “Passat” me targa të Kumanovës. Vjedhja ka ndodhur në një parking përpara një kazinoje në Kumanovë.

Policia e Kumanovës po punon për zbardhjen e plotë të rastit. Pas kompletimit të dokumentacionit, do të ngrihet kallëzim penal ndaj personave të përfshirë.