Një 53-vjeçar nga Koçani, i identifikuar si G.A., është arrestuar nga policia pasi u kap duke drejtuar automjetin nën ndikimin e alkoolit. Sipas Ministrisë së Punëve të Brendshme, arrestimi u krye në orët e para të mëngjesit të djeshëm.

Gjatë një kontrolli rutinë në rrugën “Dimitar Vlahov” në Koçan, policia ndaloi një automjet “Volkswagen” me targa të Koçanit, të drejtuar nga G.A. Pas verifikimeve, u konstatua se ai kishte 1.86 promila alkool në gjak.

Ai u përjashtua menjëherë nga trafiku. Pas kompletimit të dokumentacionit, ndaj tij do të ngrihet kallëzim penal në bazë të nenit 297-a të Kodit Penal – “drejtim i pakujdesshëm i një automjeti motorik”.