Tre persona janë arrestuar nga policia në Kumanovë dhe Kratovë për shkak të vozitjes nën ndikimin e alkoolit dhe shkeljeve të tjera të trafikut.

Sipas njoftimit nga Ministria e Punëve të Brendshme, A.M. (38) nga Kumanova, i cili po drejtonte një automjet Citroen, u kap me 1.56 promil alkool në gjak gjatë një kontrolli trafiku në Kumanovë. Po ashtu, A.R. (49) nga fshati Vaksincë i Komunës së Likovës, i cili drejtonte një automjet Opel, u konstatua se kishte 1.55 promil alkool në gjak.

Ndërkohë, në Kratovë, Z.L. (60) nga fshati Stracin, nuk ndaloi në shenjën “Stop” dhe tentoi të largohej, por u ndalua shpejt nga policia. Gjatë kontrollit, atij iu matën 2.28 promil alkool në gjak.

Pas dokumentimit të plotë të rasteve, ndaj personave do të ngrihen kallëzime penale sipas nenit 297-A të Kodit Penal “vozitje e pakujdesshme e një automjeti motorik”.