Ministria e Transportit ka anuluar prokurimin publik për blerjen e 120 autobusëve elektrikë ekologjikë dhe stacioneve të karikimit të dedikuara për transportin publik. Vendimi u mor pasi komisioni vlerësues konstatoi se oferta e vetme e paraqitur nuk plotësonte kriteret e përcaktuara në thirrjen publike.

Thirrja publike për prokurimin u shpall më 17 qershor, me afat për dorëzimin e ofertave deri më 24 korrik 2025. Sipas njoftimit, vetëm një kompani paraqiti ofertë brenda afatit të caktuar.

Pas shqyrtimit të dokumentacionit, Komisioni përgjegjës vlerësoi se kompania në fjalë nuk i përmbushte kushtet e specifikuara në thirrjen publike.

Ministria e Transportit njoftoi se do të kryejë analiza shtesë lidhur me prokurimin e autobusëve elektrikë ekologjikë në periudhën e ardhshme. Detaje të tjera do të bëhen publike sapo të finalizohen këto analiza.