Nesër, Aleanca për Shqiptarët e Arben Taravarit do të vendosë nëse do të marrë pjesë në zgjedhjet lokale së bashku me koalicionin “Vlen” apo e vetme. Vendimi do të merret në një mbledhje të Kryesisë Qendrore të partisë.

Sipas Taravarit, këto janë dy opsionet e vetme në tryezë.

Ai theksoi se në disa komuna, partia e tij beson se mund të arrijë rezultat të mirë edhe vetëm.

Taravari veçoi komunat e Gostivarit, Vrapçishtës, Dibrës, Bogovinës, Tearcës dhe Sarajit si vende ku partia e tij ka potencial të performojë mirë në mënyrë të pavarur.

Lidhur me deklaratën e Bilal Kasamit se kushdo që ndahet nga grupi do të “hahet nga ujku”, Taravari u shpreh se kjo është thjesht opinioni i Kasamit, duke shtuar se beson se Kasami nxitohet kur bën deklarata të tilla.