Një i mitur nga Shkupi është përballur me akuza penale nga Departamenti për Krimet Ndërkufitare, Migracionin, të Huajt dhe Riadmisionin Gjevgjeli, për shkak të dyshimeve për kryerjen e veprave penale “kontrabandë me migrantë” dhe “falsifikim dokumentesh”.

Sipas informacioneve, më 15 prill 2025, pranë fshatit Mrzenci, Gjevgjeli, oficerë policie kanë kryer një kontroll në një automjet “Hyundai”, të cilin ai po e drejtonte.

Gjatë kontrollit, është konstatuar se automjeti kishte targa të Shkupit që i përkisnin një automjeti tjetër.

Brenda automjetit, janë gjetur shtatë migrantë nga Egjipti.