Departamenti i Punëve të Brendshme në Ohër ka ngritur padi penale kundër V.A. (53) nga Ohri për shkak të dyshimeve të bazuara se ka kryer veprën penale të “shpërdorimit të pozitës dhe autoritetit zyrtar”.

I dyshuari, ish-drejtor i NP “Sistemi Kolektor” – Shkup, dega rajonale Ohër, gjatë periudhës nga viti 2022 deri në gusht 2024, nuk ka vendosur një protokoll të saktë të brendshëm për zbatimin e punës jashtë orarit, duke e bërë të pamundur regjistrimin real të punës së rregullt dhe asaj jashtë orarit, përcaktimin e kohës së kryerjes së punës jashtë orarit, dhe ishte gjithashtu e pamundur të përcaktohej me urdhër të kujt është kryer puna jashtë orarit.

Me këtë, ai ka tejkaluar kufijtë e autorizimeve të tij zyrtare dhe u ka mundësuar disa prej të punësuarve të përfitojnë përfitime të paligjshme financiare, duke i shkaktuar dëm NP “Sistemi Kolektor” – Shkup, Dega Rajonale Ohër në vlerë prej 2,881,757 denarësh.