Dy persona nga rrethi i Strugës janë duke u përballur me akuza penale për falsifikim dhe mashtrim lidhur me një shoqatë gjuetie në Vevçan. Sipas Ministrisë së Punëve të Brendshme, I.A. (52) nga Labunishta dhe A.Dz. (35) nga Podgorci akuzohen se kanë falsifikuar dokumente dhe nënshkrime për të riregjistruar dhe përvetësuar një shoqatë gjuetie.

Gjatë vitit 2024, të dyshuarit dyshohet se kanë mbledhur nënshkrime dhe kanë përgatitur deklarata të rreme nga banorë të fshatrave përreth. Gjithashtu, ata kanë siguruar një dokument dhe vulë të falsifikuar të një shoqate joekzistuese dhe kanë falsifikuar nënshkrimet e anëtarëve të saj.

Dokumentet e falsifikuara iu dorëzuan Regjistrit Qendror në Tetovë, pa u noterizuar. Sipas policisë, Regjistri Qendror, pa shqyrtuar dokumentacionin e dorëzuar dhe në kundërshtim me ligjin, mori një vendim për të ndryshuar statutin, duke bërë të mundur riregjistrimin e shoqatës së gjuetisë.

Pas riregjistrimit, të dyshuarit filluan të menaxhojnë dhe të lëshojnë leje gjuetie pa vulë dhe nënshkrim, duke vepruar në mënyrë të paligjshme.