Një 66-vjeçar nga Tetova, D.K., është paditur penalisht nga Policia e Tetovës për “rrezikim të sigurisë” dhe “përndjekje”.

Sipas policisë, më 18 dhjetor 2024, i dyshuari fillimisht e ka sulmuar fizikisht ish-të dashurën e tij.

Pas sulmit, ai ka filluar ta telefonojë vazhdimisht, duke i kërkuar që të tërheqë ankesën që ajo kishte paraqitur kundër tij.

Përveç kësaj, D.K. dyshohet se ka postuar foto të ish-të dashurës së tij në rrjetet sociale, duke shtuar në shqetësimin dhe frikën e saj.

Hetimet e mëtutjeshme nga autoritetet janë në vazhdim.