Komuna e Gjorçe Petrovit ka grumbulluar dhe transportuar në mënyrë të sigurt mbi 130 metra kub mbeturina të mëdha dhe mbi 700 goma të vjetra nga territori i saj, si pjesë e një aksioni të vazhdueshëm për të eleminuar mbeturinat voluminoze dhe materialet e rrezikshme për mjedisin.

Aksioni synon eliminimin e burimeve të ndotjes dhe përmirësimin e cilësisë së mjedisit për banorët e komunës. Sipas komunës, mbeturinat janë deponuar në vendin e duhur, në deponinë Drisla, në përputhje me standardet mjedisore.

Aksioni ka përfshirë disa lokacione, duke përfshirë hapësirat publike, rrugët, parqet dhe deponitë ilegale.

Komuna e Gjorçe Petrovit falënderon të gjithë qytetarët që kanë marrë pjesë në aksion dhe u bën thirrje të gjithë banorëve të vazhdojnë të sillen me përgjegjësi ndaj mbeturinave dhe të ruajnë hapësirat publike.

Qytetarët ende kanë mundësi të hedhin mbeturinat e mëdha në vendet e caktuara. Aksioni zgjat deri më 21 maj.