Trafiku në rrugën magjistrale Kumanovë – Kriva Pallankë është i ndërprerë që nga ora 13:00, afër restorant “Familja”, për shkak të një aksidenti trafiku. Sipas informacioneve të fundit nga AMSM (Auto Moto Sojuz na Makedonija), autoritetet kompetente po punojnë në vendngjarje për të normalizuar qarkullimin.

Detajet e aksidentit ende nuk janë bërë të ditura, por AMSM apelon tek të gjithë pjesëmarrësit në trafik që të përdorin rrugë alternative nëse është e mundur, dhe të kenë kujdes dhe durim, duke respektuar sinjalistikën e vendosur. Pritet që normalizimi i trafikut të ndodhë pas përfundimit të hetimit dhe largimit të mjeteve të përfshira në aksident. Për informacione më të detajuara, pjesëmarrësit në trafik mund të ndjekin komunikimet zyrtare të AMSM-së.