Në Maqedoninë e Veriut, aktualisht janë aktivë tre zjarre të mëdha në ambiente të hapura, gjashtë janë vënë nën kontroll dhe njëmbëdhjetë janë shuar, sipas Qendrës për Menaxhimin e Krizave (QMK).

Sipas informacioneve më të fundit, tre zjarre janë ende aktive në territorin e vendit: në komunën e Vasilevës, Radovishit dhe Berovës (në fshatin Niviçino, në Malin Golem Goten dhe në malet Maleshevo), në komunën e Prilepit (në fshatin Beshishtë, në vendin e quajtur Beshiski Rid), dhe mes komunës së Prilepit dhe Kavadarcit (midis fshatrave Careviç, Smolani, Radobil dhe Dren, dhe Galishte dhe Trstenik).

Gjashtë zjarre të tjera janë vënë nën kontroll në komunën e Makedonski Brodit (fshati Greshnica dhe Latovo), Shtipit (mes fshatrave Dragoevo dhe Selce), Karbincit (fshati Junuzlija), Makedonski Brodit (mes fshatrave Creshhevo, Lokvica dhe Krapa) dhe Makedonska Kamenicës (fshati Kjosevica).

Ndërkohë, njëmbëdhjetë zjarre janë shuar plotësisht në Strugë (fshati Veleshta), Staro Nagoriçan dhe Kumanovë (fshatrat Oblavce, Beljakovce, Dovezence, Orah dhe Rugjince), Kërçovë (fshati Gorno Crsko), Zelenikovë (mes fshatrave Cerovo dhe Grupçin), Petrovec (fshati Sredno dhe Dolno Konjare dhe Katlanovo), Kriva Pallankë (fshati Nerav), Novaci (fshati Rapesh), Prilep (fshatrat Kantlarci dhe rruga Joska Jordanovski) dhe Ohër (fshati Botun).

Drejtori i QMK-së, Stojançe Angelov, ka njoftuar se helikopteri çek “Black Hawk” me një ekuipazh prej shtatë personash ka ateruar në Aeroportin e Shkupit dhe do të fillojë operacionet nesër në mëngjes për shuarjen e zjarrit në Malin Goten nga ana e Berovës. Ky helikopter i fuqishëm me një rezervuar prej 3.4 tonësh është pjesë e ndihmës ndërkombëtare të paralajmëruar për të ndihmuar në trajtimin e zjarreve në vend. Ndihma do të vijë edhe nga Republika Çeke dhe Sllovenia.