Kryeministri Hristijan Mickoski deklaroi sot se rehabilitimi i konvikteve të studentëve është një projekt i rëndësishëm që më në fund po zbatohet, pas një periudhe të gjatë ngecjeje në procedura. Ai e bëri këtë deklaratë gjatë vizitës së tij në konviktin e studentëve “Kuzman Josifovski – Pitu” në Shkup.

Mickoski theksoi rëndësinë e projektit jo vetëm për këtë konvikt, por edhe për të gjitha të tjerat, duke shtuar se ai është zhbllokuar dhe se është thelbësore që të përfundojë në mënyrë që të rinjtë të kenë kushte akomodimi më të mira. Ai shprehu shpresën se studentët do të fillojnë të transferohen vitin e ardhshëm, duke u bazuar në ndryshimin e madh që ka vërejtur në terren krahasuar me situatën e mëparshme.

“Qëllimi ynë si Qeveri është të zbatojmë projekte dhe reforma, sepse këtë presin qytetarët,” tha Kryeministri. Ai shtoi se fokusi është në ndërtimin dhe jo në vjedhjet e tmerrshme të së kaluarës.