Një person ka humbur jetën pasi u godit nga rrufeja në fshatin Mazhuchishtë, Komuna e Prilepit. Ngjarja tragjike u raportua në Qendrën për Menaxhimin e Krizave (QMK) përmes numrit 112 në orën 17:39.

Sektori i Operacioneve dhe Koordinimit i QMK-së njoftoi menjëherë Ministrinë e Punëve të Brendshme dhe Shërbimin e Ndihmës Mjekësore për veprime të mëtejshme.

Sipas informacioneve të fundit të marra nga Qendra Rajonale e Menaxhimit të Krizave (QRMK) Manastir, personi nga fshati Mazhuchishtë u dërgua në Shërbimin e Ndihmës Mjekësore në Prilep, ku u konstatua vdekja e tij.