Ministria e Punëve të Brendshme njoftoi se kanë gjetur dhe gjobitur shoferin që po drejtonte një automjet në një shteg biçikletash në lagjen Butel të Shkupit.

Sipas MPB-së, ngjarja ka ndodhur më 23 prill 2025, rreth orës 16:30, kur një automjet pasagjerësh i tipit “Audi” me targa të Shkupit është filmuar duke lëvizur në shtegun e biçikletave në rrugën “Butelska”.

“Menjëherë, Departamenti i Sigurisë Rrugore në SVR Shkup ndërmori masa dhe aktivitete të duhura, duke gjetur shoferin e automjetit Z.S.(43) dhe duke i shqiptuar gjobën e parashikuar ligjërisht,” thuhet në njoftimin e policisë. Shoferi Z.S.(43) është gjobitur konform ligjit.