Agjencia e Ushqimit dhe Veterinarisë (AHV) ka kryer 617 inspektime të jashtëzakonshme përpara festave të Pashkëve, duke zbuluar shkelje të rëndësishme në sigurinë ushqimore dhe kushtet teknike të disa operatorëve.

Sipas AHV, inspektimet zbuluan se 16 operatorë nuk i plotësonin kërkesat e higjienës për sigurinë ushqimore dhe kushtet teknike në ambientet e tyre.

U konstatua se katër operatorë nuk kishin kryer kontrollet e detyrueshme shëndetësore të punonjësve ose nuk posedonin libreza sanitare me afat të skaduar.

Për më tepër, pesë operatorë nuk ishin të regjistruar si operatorë ushqimorë pranë AHV-së.

Gjatë inspektimeve, u gjetën produkte të etiketura në mënyrë të papërshtatshme tek tetë operatorë të ndryshëm.

Si rezultat i parregullsive të konstatuara, janë lëshuar 44 vendime për heqjen e tyre nga qarkullimi.

Për shkak të vendosjes së ushqimit të pasigurt në treg dhe parregullsive të tjera të një shkalle më të gjerë, janë shqiptuar 30 gjoba në vlerë prej 25,400 euro, në kundërvlerë denari.

AHV njoftoi se janë shkatërruar pa rrezik 1,740 kilogramë ushqim i pasigurt.