Operatori i sistemit të transmetimit MEPSO u bën thirrje fermerëve të jenë veçanërisht të kujdesshëm gjatë sezonit kulmor të ujitjes dhe vjeljes. Apelohet për kujdes të shtuar kur përdoren pajisje ujitjeje, makineri bujqësore dhe pajisje shtesë bujqësore pranë linjave të tensionit të rrjetit të transmetimit.

MEPSO thekson rëndësinë e respektimit të udhëzimeve të sigurisë nga fermerët gjatë punës në afërsi të linjave elektrike. Shmangia e incidenteve dhe mbrojtja e jetës njerëzore janë prioritete kryesore.

Udhëzimet specifike përfshijnë:

• Mos kaloni me kombajna ose makineri të tjera të rënda bujqësore nën përçuesit e linjave elektrike.

• Mos instaloni sisteme të ujitjes me tuba nën kabllot përçuese në trasetë e linjave elektrike.

• Mos ngrini tubat metalikë nga sistemet e ujitjes në një lartësi nën kabllot përçuese të linjave elektrike, sepse metali është përçues i elektricitetit.

• Mos vendosni spërkatës ujitjeje nën kabllot përçuese dhe në korridoret e sigurisë të linjave të tensionit të rrjetit të transmetimit. Kontakti i rrymës së ujit me kabllot përçuese mund të jetë fatal për njerëzit që janë nën trasenë e linjës elektrike.

• Mos digjni kallamishte pranë një linje elektrike sepse rrezikon besueshmërinë e sistemit elektroenergjetik.

MEPSO apelon edhe për peshkatarët sportivë të jenë veçanërisht të kujdesshëm kur përdorin shkopinj peshkimi pranë linjave elektrike, si dhe qytetarët të mos kryejnë punime ndërtimore në trasetë e linjave elektrike, nën kabllot për transmetimin e elektricitetit. Vëmendja e shtuar ndaj këtyre detajeve mund të parandalojë aksidente të rënda.