“Alkaloid AD Shkup” është shpallur punëdhënësi më i dëshiruar për vitin 2024, duke e fituar këtë titull për të tretin vit radhazi, sipas anketës së realizuar nga portali “Vrabotuvanje.com”.

Kompania u nderua me këtë çmim në një ngjarje të organizuar nga “Vrabotuvanje.com”, ku u ndanë çmime për kompani në kategori të ndryshme bazuar në një anketë të kryer në nivel kombëtar gjatë vitit 2024.

Përfaqësues të “Alkaloid” theksuan se ky vlerësim është një nder i veçantë dhe konfirmon përkushtimin e tyre për të kultivuar vlerat themelore të kompanisë. Këto vlera përfshijnë krijimin e një ambienti pune që lidh të gjithë, nga punonjësit te institucionet arsimore dhe komunitetin.

Kompania beson se standardet e larta profesionale janë thelbësore për formësimin e kulturës korporative. Ata gjithashtu theksuan se punonjësit e tyre, me njohuritë dhe përkushtimin e tyre, janë forca lëvizëse pas çdo suksesi.

“Alkaloid” ka theksuar se mbetet e përkushtuar ndaj kujdesit për punonjësit, si dhe rritjen dhe zhvillimin e karrierës së tyre, duke besuar se njerëzit janë kapitali më i vlefshëm i kompanisë.

Kompania poashtu shtoi se me anë të vizionit, inovacionit dhe mbështetjes, ata vazhdojnë të mbajnë standardet më të larta etike dhe profesionale dhe një ambient pune që do të vazhdojë të jetë zgjedhja më e dëshiruar e kompanisë për të rinjtë.