Ministri i Bujqësisë, Pylltarisë dhe Ekonomisë së Ujërave, Cvetan Tripunovski, ka kritikuar ashpër politikat e ish-ministrit Ljupco Nikolovski, duke theksuar se gjatë mandatit të tij janë trashëguar probleme të mëdha në sektorin e bujqësisë. Ai u shpreh se gjendja e trashëguar ishte katastrofike, duke iu referuar shifrave dhe statistikave që flasin për periudhën e udhëheqjes së Nikollovskit.

Sipas Tripunovskit, Programi për Subvencione dhe Pagesa Direkte kishte mungesa të mëdha në pagesa ndaj fermerëve, ndërsa kompanitë nuk ishin në gjendje të paguanin as pagat. Punonjësit e kompanive, tha ai, nuk kishin as sigurim shëndetësor dhe as pensional. Ministri theksoi se punonjësit e AD Vodostopanstvo kishin katër muaj pa marrë paga, ndërsa sistemet e ujitjes ishin në gjendje të mjerueshme.

Tripunovski akuzoi Nikollovskin se punonjësit e JP Pyjeve Kombëtare nuk kishin marrë paga, ndërsa ai udhëtonte nëpër botë duke shpenzuar paratë e shtetit. Ai e quajti manipulim termin “avanc”, duke e cilësuar si pagesë aktuale.

Ministri pyeti Nikollovskin se cilin segment apo kulturë bujqësore ka shënuar rritje gjatë kohës së tij, ku ka pasur çmim të mirë, blerje të garantuar dhe fermerë të kënaqur.

Tripunovski shtoi se në 11 muajt e fundit, janë paguar mbi 8 miliardë denarë fermerëve, bazuar në subvencione të papaguara, masa intervenimi shtesë dhe pagesa aktuale të subvencioneve.