Kryetari i Komunës së Qendrës, Goran Gerasimovski, ka marrë pjesë në Akademinë Formale me rastin e 80-vjetorit të themelimit të Kryqit të Kuq të Maqedonisë së Veriut. Gerasimovski ka theksuar se bashkëpunimi me Kryqin e Kuq ka përmirësuar cilësinë e jetës së banorëve të Qendrës.

Sipas tij, projektet si “Butoni i Emergjencës”, transporti falas për personat me aftësi të kufizuara, aksionet e rregullta të dhurimit të gjakut dhe edukimi për ndihmën e parë në shkolla dhe kopshte, janë vlerësuar pozitivisht nga banorët e Qendrës.

Gerasimovski u shpreh krenar që bashkëpunimi i tyre po forcohet gjithnjë e më shumë dhe se vazhdojnë të përmirësojnë komunitetin dhe të ndihmojnë njerëzit së bashku. Ai shtoi se Qendra vazhdon të jetë një komunë e solidaritetit dhe humanizmit dhe uroi Kryqin e Kuq për 80-vjetorin e themelimit.