Ministria e Punëve të Brendshme njoftoi se gjatë fundjavës së kaluar, më 17 dhe 18 maj, policia ka shqiptuar 1363 urdhër pagesa në të gjithë vendin. Gjatë kontrolleve të rregullta të trafikut, u konstatuan 183 shkelje që lidhen me shoferët që drejtonin automjetin pa patentë.

Në të njëjtën kohë, 67 shoferë u përjashtuan nga trafiku për shkak se drejtonin automjetin nën ndikimin e alkoolit. Përveç kësaj, 101 motoçiklistë u ndëshkuan për mos mbajtjen e helmetës mbrojtëse.

Sipas dispozitave të Ligjit për Sigurinë në Trafikun Rrugor, u evidentuan 389 shkelje për tejkalim të shpejtësisë së lejuar gjatë fundjavës. 198 shkelje ishin për parkim të paligjshëm, ndërsa 79 shoferë u ndëshkuan për mos përdorimin e rripit të sigurimit.

Gjithashtu, u morën 30 masa për përdorimin e telefonit celular gjatë drejtimit të automjetit dhe 13 sanksione për kalim në dritë të kuqe.

Në përputhje me Ligjin për Automjetet, 52 automjete u hoqën sepse ishin të pa regjistruara, dhe shtatë automjete për shkak të defekteve teknike.

Ministria e Punëve të Brendshme bëri të ditur se kontrollet e trafikut do të vazhdojnë edhe në ditët në vijim, duke u bërë thirrje qytetarëve të respektojnë rregullat dhe rregulloret e trafikut për rrugë më të sigurta.