Një 69-vjeçar nga Sveti Nikole është arrestuar pasi qëlloi me një pushkë ajrore nga tarraca e shtëpisë së tij drejt disa fëmijëve që po mblidhnin qershi nga një pemë në oborrin e tij. Ngjarja ndodhi më 16 maj 2025, rreth orës 14:00, në rrugën “Pitu Guli” në Sveti Nikole.

Sipas informacioneve nga Sektori për Punë të Brendshme (SPB), personi i dyshuar me iniciale V.I. është arrestuar nga policët e Departamentit Policor të Sveti Nikoles.

Personi dyshohet se ka qëlluar me pushkë ajrore drejt disa të miturve që po mblidhnin qershi nga një pemë në oborrin e tij. Fatmirësisht, nuk ka pasur të lënduar.

Ministria e Punëve të Brendshme njofton se pas marrjes së masave, personi është ndaluar.

Pas zbardhjes dhe dokumentimit të plotë të rastit, kundër tij do të ngrihet kallëzim penal sipas nenit 288 të Kodit Penal – për “shkaktim të rrezikut të përgjithshëm”.