Një person me inicialet E.B. nga Prilepi u arrestua mbrëmë nga Sektori për Punë të Brendshme (SPB) Manastir pasi u kap në flagrancë duke kryer një vjedhje në një pronë të një subjekti juridik në Manastir. Ngjarja ka ndodhur rreth orës 01:10 të datës 17 maj 2025, në rrugën “Maqedonski Gemixhii” në Manastir.

Sipas njoftimit të Ministrisë së Punëve të Brendshme, i dyshuari u kap në vendin e ngjarjes dhe sendet e vjedhura iu kthyen menjëherë pronarit.

“Personi ndodhet në paraburgim në Stacionin Policor të Manastirit. Pasi të dokumentohet plotësisht rasti, do të ngrihet kallëzim përkatës,” informoi MPB.

Sipas informacioneve, bëhet fjalë për një pronë private dhe policia ka penguar në kohë tentativën e vjedhjes, pa shkaktuar dëme materiale.