Maqedonia po përjeton mot të ndryshueshëm, me re dhe reshje të shiut të pranishme sot, ndërsa pritet stabilizim dhe ngritje të temperaturave nesër.

Sipas njoftimeve nga SHMR (Shërbimi Hidrometeorologjik), sot moti do të jetë pjesërisht i vranët, me reshje lokale shiu në pjesët perëndimore të vendit. Do të fryjë erë e lehtë deri mesatare nga veriperëndimi, e cila do të jetë më e theksuar përgjatë luginës së Vardarit.

Në Shkup, moti do të jetë gjithashtu pjesërisht i vranët, dhe pasdite ekziston mundësia e shiut të lehtë në disa pjesë të luginës. Do të fryjë erë e lehtë deri mesatare nga veriu.

Për nesër, pritet stabilizim i motit, me intervale me diell dhe mot relativisht të ngrohtë, i shoqëruar me vranësira të lehta deri mesatare. Megjithatë, pasdite do të ketë kushte për shi lokal të lehtë, veçanërisht në zonat malore.

Do të fryjë erë e lehtë deri mesatare nga perëndimi, e cila do të jetë më e theksuar në rajonin perëndimor. Temperaturat do të jenë të këndshme, me vlera maksimale nga 18 deri në 26 gradë Celsius.