Kryeministri Hristijan Mickoski ka njoftuar një cikël investimesh prej 6 miliardë eurosh në infrastrukturë, hekurudha dhe shëndetësi, duke ardhur si rezultat i një marrëveshjeje strategjike me Mbretërinë e Bashkuar. Detajet e plota të investimeve pritet të publikohen në ditët në vijim.

Mickoski e cilësoi këtë ngjarje si historike për shtetin, duke theksuar se marrëveshja e partneritetit strategjik me Britaninë e Madhe do të mundësojë një cikël investimesh të konsiderueshëm.

Kryeministri shpjegoi se marrëveshja e arritur me Mbretërinë e Bashkuar e pozicionon shtetin në linjë me interesat dhe veprimet e një prej forcave politike dhe ekonomike më me ndikim në botë.