Vranësira dhe temperaturat e freskëta do të karakterizojnë motin e sotëm, me rreshje shiu të herëpashershme. Në disa zona, intensiteti i shiut pritet të jetë i lartë, duke arritur në mbi 30 l/m2 deri në fund të ditës.

Në zonat malore të larta, gjatë fundit të ditës, ka mundësi për reshje të pakta bore. Gjatë orëve të mëngjesit do të fryjë një erë e lehtë deri mesatare nga juglindja, ndërsa pasdite dhe gjatë natës deri të shtunën, do të ketë një rritje të erës së fortë nga veriu (me shpejtësi mbi 60 km/h), veçanërisht përgjatë rajonit të Vardarit.

Temperatura minimale do të lëvizë nga 6 deri në 12 gradë Celsius, ndërsa maksimalja do të arrijë nga 10 deri në 16 gradë Celsius.

Në Shkup, dita do të jetë me vranësira dhe e freskët, me rreshje shiu të herëpashershme, ndonjëherë edhe më të dendura. Do të fryjë një erë e lehtë deri mesatare nga juglindja, e cila pasdite do të zëvendësohet nga një erë më e fortë nga veriu. Temperatura minimale do të zbresë në 12 gradë Celsius, ndërsa maksimalja do të arrijë në 14 gradë Celsius.

Të shtunën priten rreshje lokale shiu të herëpashershme. Në zonat malore të larta, në orët e para të mëngjesit, mund të ketë kushte për reshje të pakta bore. Temperatura ditore në ditët në vazhdim do të ketë tendencë të rritet më tej.