Ministria e Brendshme ka bërë thirrje për kujdes dhe siguri gjatë festimeve të diplomimit, duke theksuar se numri i aksidenteve rrugore rritet ndjeshëm në këto ditë. Sipas statistikave, një pjesë e madhe e të përfshirëve në aksidente janë të rinj, shpesh maturantë, që përfundojnë me lëndime të rënda trupore, dhe në raste jo të rralla, humbasin jetën.

Ministria e Brendshme thekson se përgjegjësia për sjelljen e pahijshme të disa maturantëve në trafik bie kryesisht mbi vetë të rinjtë, por edhe mbi prindërit e tyre.

Në apelimin e saj, Ministria e Brendshme u bën thirrje prindërve: “Mos lejoni fëmijët tuaj të shkojnë në festimet e diplomimit me makinë. Gabimet në trafik mund të jenë fatale.”

Për të parandaluar incidente të tilla, Ministria e Brendshme ka lansuar thirrjen: “Në diplomim pa makinë! Pa konsumuar alkool! Pa përdorur narkotikë! Pa prishur rendin dhe qetësinë publike!”