Një i mitur ka pësuar lëndime të rënda trupore pas një aksidenti trafiku që ndodhi në Shkup. Aksidenti ndodhi dje, në rrugën “Indira Gandhi”, kur një automjet i tipit “Opel”, me targa të Shkupit, i drejtuar nga K.J. (22) nga Shkupi, goditi këmbësorin e mitur, gjithashtu nga Shkupi.

Policia e Shkupit njoftoi se aksidenti ndodhi në orën 15:40. Sipas informacioneve të marra, i mituri u dërgua menjëherë në Kompleksin Klinik “Nënë Tereza”, ku u konfirmuan lëndimet e rënda trupore.

Një ekip inspektimi nga Departamenti Policor i Shkupit kreu një hetim në vendin e ngjarjes. Detaje të tjera lidhur me rrethanat që çuan në aksident pritet të dalin në dritë pas hetimeve të mëtutjeshme.