Komiteti Ekzekutiv i VMRO-DPMNE-së autorizoi kryetarin e partisë, Hristijan Mickoski, të propozojë zgjidhje të reja personeli për pozicionet që më parë i përkisnin Aleancës për Shqiptarët. Kjo vjen pas vendimit të Arben Taravarit për t’u larguar nga koalicioni qeverisës.

Sipas VMRO-DPMNE-së, largimi i Taravarit është dëshmi se grupi i mbrojtësve të krimit dhe korrupsionit po fiton anëtarë të rinj. Ata e quajtën këtë si “një maskë tjetër që ka rënë” dhe “një iluzion tjetër që është zbuluar.”

VMRO-DPMNE pretendon se ka një “kuartet kukullash” të re në skenën politike, e përbërë nga SDS, Aleanca, DUI dhe Levica, të cilat i konsiderojnë si subjekte me të njëjtin “bos” dhe “skenarist”. Sipas tyre, DUI ka investuar në krijimin e konkurrentëve të rremë politikë, të cilët në realitet janë zgjatime të tyre. Ata shtojnë se partitë si SDS dhe Aleanca e Taravarit janë gati të shpenzohen në funksion të tentativës për ta rikthyer DUI-në në pushtet.

Partia vlerëson se është për të ardhur keq që këta “varese politike” janë më të aftë si asistentë servilë, pa qëndrim, pa vizion dhe pa dinjitet.

Megjithatë, VMRO-DPMNE siguron se shteti nuk po shkon në humnerë dhe se ata po e nxjerrin atë prej andej. Sipas tyre, ajo që i shqetëson kundërshtarët është fakti që nuk ka më amnisti, racket dhe tendera të kurdisur. Partia thotë se drejtësia më në fund po troket në derën e tyre.

Në fund të deklaratës, VMRO-DPMNE thekson se SDS, DUI dhe vasalët e tyre politikë janë tashmë të dënuar nga qytetarët në zgjedhje dhe se “gjykata e vërtetë” – ajo e drejtësisë – është ende për të ardhur.